سڑک حادثے میں تین لوگوں کی موت، 8 زخمی

سانگلی:مہاراشٹر میں پونے -بنگلور قومی شاہراہ پر واقع نرلے گاؤں میں آج صبح ایک بھیانک سڑک حادثے میں تین مسافروں کی موت ہوگئی، جبکہ 8 دیگر زخمی ہوگئے ۔ کاش گاؤں پولس کے مطابق نکوڈا ٹریول ٹورسٹ کی ایک بس پونے سے کولہاپور کی طرف جارہی تھی، جو بے قابو ہوکر ڈیوائڈر سے ٹکرا گئی، جس سے موقع پر ہی تین مسافروں کی موت ہوگئی۔مرنے والوں میں دو بچے بھی شامل ہیں ، جن کی شناخت نیر جمال (3)، ساگر ستیش (7) اور کروشناجی پاٹل (25) کے طورپر کی گئی ہے ۔ پولس نے مزید بتایا کہ زخمیوں کا علاج اسلامپور میونسپل ٹاؤن کے راجہ رام بابو ا پاٹل اسپتال میں کیا جارہا ہے ۔