ممبئی (ایجنسی) سال۲۰۱۳ میں دیپکا پاڈوکون کے حصے میں ایک ساتھ چار کامیاب فلمیں آئیں ۔ سال ۲۰۱۴ میں بھی دپیکا کے ہاتھ میں ایک بڑے بینر کی فلم ہیپی نیو ایئر ہے ۔ اگرچہ گزشتہ سال دیپکا نے کئی بڑے ستاروں کے ساتھ کام کیا اور ان کی کئی ساری خواہشات پوری بھی ہوئیں ۔ لیکن سال۲۰۱۴ سے بھی دپیکا کو کئی ساری امیدیں ہیں ۔ دیپکا کو اس سال کچھ نیا کرنے کی خواہش ہے انہوں نے اپنی یہ خواہشات میڈیا کے ساتھ شیئر بھی کی ہیں ۔ دیپکا پاڈوکون کی آج۲۸ ویں سالگرہ ہے اور آج کے دن دیپکا پاڈوکون کو ان کے مداحوں کی طرف سے سالگرہ کی ڈھیر ساری نیک خواہشات بھیجی جا رہی ہیں ۔ اگر آپ بھی دپیکا کی فین ہیں تو بھی دپیکا کی خواہشات پتہ ہونی چاہئیں تاکہ آپ اپنی دعاؤں میں دیپکا کے لئے ان خواہشوں کو پورا ہونے کی دعا مانگے ۔ دیپکا پاڈوکون کی پیدائش ڈنمارک میں ہوئی تھی اور ان کے والد پرکاش پاڈوکون ایک بہت بڑے بیڈمنٹن کھلاڑی ہیں ۔ دیپکا پاڈوکون کا خاندان بنگلور میں رہتا ہے لیکن دیپکا نے بنگلور میں بہت زیادہ وقت نہیں گذرا ہے ۔ دیپکا کو جنوبی ہند زبان بھی بہت اچھی طرح سے نہیں آتی ہے ۔ چنئی ایکسپریس کے دوران جب انہیں جنوبی ہند کاکردار ادا کرنا تھا تب انہوں نے کافی محنت کی تھی اپنے گیٹ اپ اور اپنی زبان کے تلفظ کو تبدیل کرنے کے لئے ۔ دیپکا ایک ایسی اداکارہ ہیں جو کہ اپنے کرداروں میں جان ڈالنے کے لئے کسی بھی حد تک جاتی ہے ۔ دیپکا کو اپنے ہر ایک کردار میں پرفیکشن چاہئے ہوتا ہے ۔ دیپکا پاڈوکون کے دل میں سال ۲۰۱۴ کو لے کر کافی جوش ہے اور سال ۲۰۱۴ میں دیپکا کے دل میں کچھ خواہشات بھی ہیں جنہیں وہ مکمل کرنا چاہتی ہیں ۔
فلم ’جے ہو ‘دھوم ۳سے زیادہ کرے کمائی:عامر
ممبئی (وارتا)بالی ووڈ کے مسٹرفرفیکشنسٹ عامر خان کا کہناہے کہ ان کی خواہش ہے کہ سلمان خان کی فلم جے ہوان کی فلم دھوم ۳ سے زیادہ کمائی کرے۔ سلمان خان نے دھوم ۳ کی تشہیر اپنے شو بگ باس سیزن ۷میں کی تھی اب عامربھی اپنی طرح سے سلمان خان کی فلم جے ہو کی تشہیر کرنا چاہتے ہیں ۔ عامر نے کہا کہ جہاں تک ہوسکے میں یہ تشہیر کرنا چاہتا ہوں میں جے ہودیکھنے کا انتظار کررہاہوں ۔ مجھے لگتا ہے کہ جے ہو اچھی فلم ہے۔ عامر خان نے کہا کہ میں سلمان کی فلم جے ہو کے ساتھ دھوم ۳ کو موازنہ نہیں کرنا چاہتاہوں۔ جے ہو دھوم ۳ سے زیادہ کمائی کرے۔ میں فلم انڈسٹری میں اچھاکام دیکھنا چاہتاہوں۔
صرف جے ہو ہی نہیں۔ میں چاہتا ہوں کہ سلمان خان کی فلم کک اورشاہ رخ خان کی ہیپی نیوایئر بھی اچھا کاروبارکرے۔
