ٹرک کے گھر میں گھس جانے سے سات افراد زخمی

حاجی پور:بہار میں ضلع ویشالی کے نگر تھانہ حلقے کے جرواگاؤں کے نزدیک آج ایک بے قابو ٹرک ایک گھر میں گھس گیا جس سے ایک ہی کنبہ کے سات افراد زخمی ہو گئے ۔پولس ذرائع نے یہاں بتایا کہ تیز رفتار سے آرہا ایک ٹرک بے قابو ہوکر وشنو بھگت کے سڑک کے کنارے گھر میں گھس گیا ۔اس حادثے میں گھر میں موجود دوخواتین اور پانچ بچے زخمی ہو گئے ۔حادثے کے بعد ٹرک ڈائیور ٹرک چھوڑکر فرار ہوگیا۔ذرائع نے بتا یا کہ تمام زخمیوں کو مقامی اسپتال میں داخل کرایا گیا ہے ۔پولس نے ٹرک کو ضبط کر لیا ہے ۔