ممبئی ۔ (ایجنسی)بالی ووڈ کی دھک دھک گرل’ مادھوری دکشت کا کہنا ہے کہ اب فلموں میں اداکاراؤں کے لئے بااثر کردار رکھے جا رہے ہیں ۔ مادھوری دکشت نے کہا کہ آج کے دور میں سنیما کافی بدل گیا ہے ۔ اب فلموں میں ا داکارائوں کے کردار میں زیادہ گہرائی ہوتی ہے ۔ اگر ایسا ہوتا ہے تو آپ اپنے کام کو زیادہ انجوائے کر پاتے اور آپ بولڈ سے بولڈ کردار میں زبردست پرفارمنس دے پاتے ہیں ۔مادھوری نے کہا کہ پہلے کے وقت میں اداکارائیں فلموں میں پرکشش ہوا کرتی تھیں ، لیکن اب ایسی بات نہیں ہے ۔ اداکارائوں کے کردارا سکرین پر اب بولڈ نظر آتے ہیں۔ مادھوری دکشت ان دنوں اپنی آنے والی فلم ‘ ڈیڑھ عشقیہ ‘ کے تشہیر میں مصروف ہیں ۔ قابل ذکر ہے کہ ‘ ڈیڑھ عشقیہ ‘۲۰۱۰ میں ریلیز ہوئی فلم ‘ عشقیہ ‘ کی سیکول ہے ۔ اس فلم میں مادھوری دکشت کے علاوہ نصیر الدین شاہ ، ارشد وارثی اور ہما قریشی کا بھی اہم کردار ہے ۔
