مڈ ڈے میل راشن چوری

مہوبا:اتر پردیش کے خشک سالی سے متاثر ضلع مہوبا کے سری نگر علاقے میں واقع ایک اسکول سے چور مڈ ڈے میل (ایم ڈی ایم )کا راشن چوری کرکے لے گئے جس سے وہاں افرا تفری مچ گئی۔پولس کے ڈپٹی سپرنٹنڈنٹ سندیپ سنگھ نے آج یہاں بتایا کہ پوا گاؤں میں واقع اپر مڈل اسکول سے کل رات چوروں نے ایم ڈی ایم کا تقریباً آٹھ کؤنٹل راشن چوری کر لیا۔اس واقع کا پتہ اس وقت چلا جب اسکول کا تالا ٹوٹا ہوا ملا۔انہوں نے بتایا کہ چور اسکول کی رسوئی کا تالا توڑکر پانچ کونٹل چاول ،تین کؤنٹل گیہوں اوردال ،مسالحے سمیت دیگر اشیا چوری کرکے لے گئے ۔واقع کی رپورٹ اسکول کے پرنسپل شیو پال راج پوت نے درج کرائی ہے ۔قابل ذکر ہے کہ کانگریس کے نائب صدر راہل گاندھی کل ہفتے کے روز یہاں اسی علاقے سے اپنی کسان پیدل ریلی شروع کریں گے ۔اس کے پیش نظر ایم ڈی ایم کے انتظامات اچھے طریقے سے پیش کرنے کے لئے اسکول میں بڑی مقدار میں راشن جمع کرکے رکھا گیا تھا۔