نوجوان کی لاش برآمد

بیگو سرائے: بہار میں ضلع بیگوسرائے کے ڈنڈاري تھانہ کے نیہا گاؤں سے پولیس نے آج ایک نوجوان کی لاش برآمد کی۔پولیس ذرائع نے بتایا کہ اطلاعات کی بنیاد پر نیہا گاؤں سے ایک نوجوان کی لاش برآمد کی گئی ہے ۔ بادی النظر میں ایسا ظاہر ہوتا ہے کہ نوجوان کا گولی مار کر قتل کیا گیا ہے ۔ذرائع نے بتایا کہ لاش کی شناخت نیہا گاؤں کے رہنے والے سکن تانتی (25) کے طور پر کی گئی ہے ۔ قتل کی وجہ کا فوری طور پر پتہ نہیں چل سکا ہے ۔ پولیس نے لاش پوسٹ مارٹم کے لئے بھیج دی ہے ۔ پولس معاملے کی تفتیش کر رہی ہے ۔