ہوٹل میں لفٹ گر پڑی ۔ چار خواتین زخمی

حیدرآباد:تلنگانہ کے ضلع رنگاریڈی کی سواگت گرینڈ ہوٹل میں لفٹ گر پڑی جس کے نتیجہ میں چار خواتین زخمی ہوگئیں ۔ اس ہوٹل میں ایک ہی دن میں پانچ تقاریب منعقد ہوئیں ۔ کل شب نو بجے پانچویں منزل سے یہ خواتین ہوٹل کی سرویس لفٹ میں نیچے اُتر رہی تھیں کہ گنجائش سے زیادہ افراد ہونے کے سبب لفٹ کا وائر ٹوٹ گیا اور یہ لفٹ گراونڈ فلور پر آگئی جس کے سبب چار خواتین زخمی ہوگئیں جن میں دو کی حالت تشویشناک ہے ۔ ان خواتین کو علاج کیلئے اسپتال منتقل کیا گیا ۔
پولیس نے اس سلسلہ میں معاملہ درج کرلیا ۔ اس واقعہ پر مناسب ردعمل ظاہر نہ کرنے پر خواتین نے ہوٹل مالکین پر برہمی کا اظہار کیا ۔ ان خواتین نے کہا کہ وہ منگنی کی تقریب کے بعد نیچے اتر رہی تھیں کہ یہ واقعہ پیش آیا ۔