سڑک حادثہ میں دو نوجوان ہلاک : دس زخمی

بہار شریف: بہار میں ضلع نالندہ کے سرمیرا تھانہ علاقے میں کل رات ایک سڑک حادثہ میں دو نوجوان ہلاک اور دس دیگر زخمی ہوگئے ۔
پولیس ذرائع نے آج یہاں بتایا کہ بڑی میشیا گاؤں کے کچھ لوگ شادی کی تقریب میں شرکت کرکے سددھا ڈیری موٹر گاڑی سے واپس لوٹ رہے تھے ، تبھی سرمیرا ۔ مقامہ قومی شاہراہ پر موٹر گاڑی سڑک کے کنارے گڈھے میں گرگئی ۔ اس حادثہ میں ایک نوجوان کی موت ہوگئی اور دس سے زائد دیگر افراد زخمی ہوگئے ۔
ذرائع نے بتایا کہ زخمیوں میں سے چھ کو بہار شریف صدر اسپتال بھیجا گیا جہاں ان میں سے ایک نوجوان کی موت ہوگئی ۔ ہلاک شدگان کی عمر 25 سے 30 سال کے درمیان بتائی جاتی ہے ۔ زخمیوں میں سے دو کو نازک حالت میں پٹنہ میڈیکل کالج اسپتال میں داخل کرایا گیا ہے ۔