بولی وڈ کنگ شاہ رخ خان کی دو ہفتے بعد ریلیز ہونے والی فلم ’فین‘ کو ہندوستان میں 3 ہزار 500 سینما گھروں میں نمائش کے لیے 
پیش کیا گیا۔
فلم ’فین‘ کے حال ہی میں ریلیز ٹریلر کو شائقین نے بے حد پسند کیا اور ٹریلر سے فلم نہایت دلچسپ نظر آرہی ہے۔
اس فلم میں شاہ رخ خان ایک لمبے عرصے بعد ڈبل رول کرتے نظر آئیں گے۔
فلم کی کہانی گورو نامی ایک لڑکے پر مبنی ہے جو خود کو سپر اسٹار ارین کھننا کا سب سے بڑا مداح مانتا ہے۔
شاہ رخ خان کی اس سال ریلیز ہونے والی یہ پہلی فلم ہے اور ان کے مداح اس کا بے صبری سے انتظار کررہے ہیں۔
بولی وڈ لائف کی ایک خبر کے مطابق فلم ’فین‘ کو ہندوستان میں 3 ہزار پانچ سو اسکرینز پر نمائش کے لیے پیش کیا جائے گا البتہ یہ تعداد ابھی حتمی نہیں اور اسکرینز میں مزید اضافہ کیا جاسکتا ہے۔
