معشوقہ کو زندہ جلایا

بریلی: اترپردیش میں ضلع بریلی کے بھوجی پورہ علاقے میں ایک نوجوان نے اپنی معشوقہ کو زندہ جلا دیا جس سے اس کی موقع پر ہی موت ہوگئی۔ذرائع کے مطابق یہ نوجوان معشوقہ کے بھائی کا دوست تھا۔ دوستی کے سہارے نوجوان نے اپنے دوست کی بہن کو اپنے عشق میں گرفتار کرنے کی کوشش شروع کردی۔ لڑکی کے بھائی نے جب اس پر اعتراض کیا تو ملزم نوجوان مشتعل ہوگیا اور اس نے کل رات گئے معشوقہ کو زندہ جلا دیا۔بھوجپورہ پولیس نے اس سلسلے میں معاملہ درج کرکے ملزم کو گرفتار کرنے کی کوشش شروع کردی ہے ۔