کانسٹبل پر حملہ

قنوج: اترپردیش میں قنوج کے چھبرا مؤ علاقے میں چھیڑ خانی کی اطلاع پر موقع پر پہنچے کانسٹبل پر کچھ لوگوں نے حملہ کرکے انہیں زخمی کردیا۔پولیس نے آج یہاں بتایا کہ چھبر مؤ علاقے میں واقع کالج کے پاس چھیڑ خانی کی اطلاع پر او م ویر نامی کانسٹبل کو موقع پر بھیجا گیا ۔ اس دوران دھرمیندر یادو اور اس کے ساتھیوں نے کانسٹبل پر حملہ کردیا۔ جس سے وہ زخمی ہوگئے ۔ انہیں اسپتال میں داخل کرایا گیا ہے ۔ واردات کے بعد ملزم فرار ہوگئے ۔ اس سلسلے میں معاملہ درج کرادیا گیا ہے اور پولیس ملزمین کی تلاش کررہی ہے ۔