پنجا ب گیہو گھپلہ کی جانچ کرائے گا مرکز

نئی دہلی: مرکزی حکومت نے آج پارلیمنٹ میں یقین دہانی کرائی کہ وہ پنجاب میں گوداموں سے بارہ ہزار کروڑ روپے کے غذائی اجناس کے غائب ہوجانے کے معاملے کی انکوائری کرائی گی۔خوراک اور سول سپلائز کے مرکزی وزیر رام ولاس پاسوان نے لوک سبھا میں وقفہ صفر میں کانگریس کے ممبر پارلیمنٹ سنتوکھ سنگھ چودھری کے ذریعہ اٹھائے گئے اس معاملے پر مداخلت کرتے ہوئے یہ یقین دہانی کرائی۔ مسٹر چودھری نے یہ معاملہ اٹھاتے ہوئے کہا کہ یکم اپریل سے 24اپریل تک پنجاب میں 84.79ٹن گیہوں کی آمد ہوئی ہے لیکن حکومت کی طر ف سے خریداری نہیں ہو پارہی ہے ۔ انہوں نے میڈیا رپورٹوں کا حوالہ دیتے ہوئے کہا کہ پرکاش سنگھ بادل حکومت کی ملی بھگت سے سرکاری گوداموں سے تقریباً بارہ ہزار کروڑ روپے کے اجناس غائب ہوگئے ہیں۔ انہوں نے کہا کہ اس گھپلے سے ریاست کے کسانوں کو تکلیف اٹھانی پڑ رہی ہے ۔ وزارت خزانہ سے نقد قرض کی رقم منظور نہیں ہونے سے حکومت منڈیوں میں کسانوں کو ادائیگی نہیں ہوپارہی ہے ۔ اس پر مسٹر پاسوان نے کہا کہ وہ اس معاملے کو جانتے ہیں اور اس کی جانچ کرائی جارہی ہے ۔ عام آدمی پارٹی بھی ایک خصوصی جانچ ٹیم کے ذریعہ سے مرکز، ریاست اور فوڈکارپوریشن آف انڈیا او ربینکوں کے رول کی جانچ کا مطالبہ کررہی ہے ۔