مایاوتی مغربی بنگال اسمبلی الیکشن میں تشہیر کیلئے نہیں جائیں گی

لکھنؤ:بہوجن سماج پارٹی (بی ایس پی) کی سربراہ مایاوتی مغربی بنگال اسمبلی کیلئے ان دنوں چل رہی انتخابی مہم کی تشہیر کیلئے نہیں جائیں گی۔پارٹی ذرائع نے آج یہاں بتایا کہ تاہم محترمہ مایاوتی تمل ناڈو اور کیرالا اسمبلی کے انتخابات میں پارٹی امیدواروں کی حمایت میں آئندہ ماہ ایک ایک ریلی سے خطاب کریں گی۔بی ایس پی نے مغربی بنگال کی کُل 294 میں سے 160 اسمبلی سیٹوں پر اپنے امیدواروں کو میدان میں اتارا ہے لیکن محترمہ مایاوتی نے چھ مرحلوں میں ہو رہے الیکشن کیلئے تشہیر میں کوئی دلچسپی نہیں دکھائی ہے ۔
پارٹی ذرائع نے کہا ‘محترمہ مایاوتی حالانکہ مغربی بنگال میں الیکشن مہم کیلئے نہیں جائیں گی لیکن وہ کیرالہ اسمبلی الیکشن کے میدان میں اترے امیدواروں کی حمایت میں سات مئی کو ریلی کریں گی۔ پارٹی سربراہ اگلے روز تمل ناڈو میں الیکشن ریلی سے خطاب کرنے الیکشن میں انتخابی ریلی سے خطاب کریں گی۔ان دونوں ریاستوں میں 16 مئی کو ووٹنگ ہوگی۔واضح رہے کہ محترمہ مایاوتی نے جنوری میں کولکاتا میں پارٹی کارکنوں سے خطاب کرکے پارٹی کی انتخابی مہم کا آغاز کیا تھا۔بی ایس پی کی تمل ناڈو اسمبلی کی 234 میں سے 200 سیٹوں پر اور کیرالہ اسمبلی کی 140 میں سے 50 سیٹوں پر اپنے امیدوار اتارنے کی تیاری ہے ۔