بہار میں ٹرین سے 15 بوتل غیر ملکی شراب ضبط

بھاگلپور:بہار میں مشرقی ریلوے کے مالدہ ڈویژن کے شاہ گنج ریل سیکشن کے سوور اسٹیشن پر آج ریل پولیس نے 15 بوتل غیر ملکی شراب ضبط کی ہے ۔ ریل پولیس ذرائع نے یہاں بتایا کہ خفیہ اطلاع کی بنیاد پر ہوڑہ-جے نگر پسنجر ٹرین میں چھاپہ مار کر غیر ملکی شراب کی 15 اور دو بیئر کے بوتل برآمد کئے گئے ہیں۔ یہ شراب کی بوتلیں جھارکھنڈ سے بہار لائی جا رہی تھیں۔ ذرائع نے بتایا کہ خفیہ اطلاع کی بنیاد پر دو افراد کو حراست میں لیا تھا جسے پوچھ گچھ کے بعد چھوڑ دیا گیا۔قابل ذکر ہے کہ بہار میں پانچ اپریل سے مکمل طور پر شراب بندی کا قانون نافذ ہے ۔