لکھنؤ۔(نامہ نگار)۔ کہرے کی زیادتی اور موسم کی خرابی کی وجہ سے آج چودھری چرن سنگھ ہوائی اڈہ پر ہوائی جہازوں کی پرواز بندرہی۔ سخت کہرے کی وجہ سے آج یہاں نہ ہی کوئی جہاز اترا اور نہ ہی کوئی جہاز اڑان بھر سکا۔ ایئرپورٹ اتھارٹی نے موسم کی خرابی بتاتے ہوئے مکمل طور سے ہوائی جہازوں کی آمد و رفت روک دی حالانکہ اس سے مسافروں کو دشواریوں کا سامنا بھی کرنا پڑا مگر کہرے کی شدت کے مد نظر اتھارٹی کو مجبوراً یہ فیصلہ کرنا پڑا۔
