مہوبا میں کسان کا دھاردار ہتھیار سے قتل ۔ لاش کنوں سے برآمد

مہوبا: اترپردیش میں مہوبا ضلع کے شری نگر علاقہ میں ایک کسان کو نامعلوم حملہ آوروں نے دھاردار ہتھیار سے قتل کرکے لاش کنویں میں پھینک دی۔اے ایس پی راجیش سکسینا نے آج یہاں بتایا ہے کہ ننورا کے رہنے والے کاشتکار رام داس کشواہا کئی روز سے لاپتہ تھے ۔ کل شام ان کی لاش گاؤں سے دور جنگل میں ایک کنویں میں پڑی ملی ہے ۔ اس کے جسم پر دھار دار ہتھیار سے کٹنے کے زخم ہیں۔لاش کو پوسٹ مارٹم کے لئے بھیج دیا گیا ہے رپورٹ آنے کے بعدآگے کی کارروائی کی جائے گی۔ پولیس نے چھان بین شروع کردی ہے ۔