ممبئی(وارتا) بالی ووڈ کی بولڈگرل بپاشا بسو کا کہنا ہے کہ انھوں نے اب ماضی کی غلطیوں سے سبق حاصل کرلیا ہے۔ بپاشا بسو نے کہا کہ ہر انسان کی زندگی میں بُرادور آتا ہے کچھ عرصہ قبل میری ترجیح بدل گئی تھی اورمیں اداکاری کی طرف توجہ نہیں دے رہی تھی لیکن اب میں اس دور سے مضبوط ہوکر واپس آگئی ہوں میں پھر سے اپنی اداکاری پر توجہ دے رہی ہوں۔ بپاشا بسو نے کہا کہ میں اس بات کو لیکر بیحد خوش ہوں کہ بُرے دور میںبھی فلموںمیں کام کرنے کی پیشکش ہوتی رہی۔ میں نے ماضی کی غلطیوں سے بہت کچھ سیکھا ہے میں نے اپنے کیریئر کے دوران کئی فلموںمیں کام کیا اوراان میں کئی فلمیں ایسی بھی رہیں جو خراب تھیں۔اس بات کا مجھے بیحد افسوس ہے۔
ایک سوال کے جواب میں بپاشا بسو نے کہا کہ بالی ووڈ کے خان ستاروں کے ساتھ کون اداکارہ کام کرنا نہیں چاہے گی ۔ میں امیدکرتی ہوں کہ مستقبل میں ان کے ساتھ فلم ضرور کروں گی۔
