مظفر نگر:اترپردیش کے مظفر نگر کے چرتھاول علاقے میں کل رات عشاکی اذان کے بعد روی داس مندر میں لاؤڈ اسپیکر بجانے کے سلسلے میں دو فرقوں کے لوگوں میں مارپیٹ ہوگئی۔ا س سلسلے میں دولوگوں کو گرفتار کرلیا گیا ہے
۔پولس کے ذرائع نے آج یہاں بتایا کہ چرتھاول علاقے کے ددھیڑو کلا گاؤں میں کل رات اذان کے بعد مسلم فرقے کے کچھ لوگ روی داس مندرمیں لاؤڈ اسپیکر بند کرانے پہنچے ۔اس دوران دونوں فرقوں میں کہا سنی ہوگئی اور ان لوگوں نے مندر سے لاؤڈ اسپیکر اتارکر توڑ دیا۔موقع کی اطلاع ملتے ہی وہاں پہنچی پولس نے صورت حال کو قابو کیا۔ذرائع نے بتایا کہ اس سلسلے میں سات افراد کے خلاف معاملہ درج کرایا گیا ہے ۔پولس نے دو ملزمین کو گرفتارکر لیا ۔واقعہ کے بعد احتیاط کے طورپر گاؤں میں پولس دستہ تعینات کردیا گیا ہے ۔اب صورت حال معمول پر ہے ۔
