دہلی میں جزوی طور پر آسمان ابر آلود رہنے سے ملی راحت

نئی دہلی: قومی راجدھانی میں آج جزوی طور پر آسمان ابر آلود رہنے سے صبح گرمی سے لوگوں کو تھوڑی راحت ملی۔ محکمہ موسمیات نے بتایا کہ راجدھانی دہلی میں آج کم سے کم درجہ حرارت کل کے 30.4 ڈگری سیلسیس کے مقابلے گر کر 28.4 ڈگری سیلسیس ریکارڈ کیا۔ شام تک آندھی اور گرج کے ساتھ بوچھاریں پڑنے کا امکان ظاہر کیا گیا ہے ۔ زیادہ سے زیادہ درجہ حرارت تقریبا 41 ڈگری سینٹی گریڈ کے آس پاس رہنے کا امکان ہے ۔ شام کو دھول بھری آندھی اور بارش کے بعد گرمی سے راحت ملنے کا امکان ہے ۔