ضلع گنٹور کے تلورو میں 25جون کو انا کینٹن کا آغاز جائے گا

حیدرآباد:آندھراپردیش کے ضلع گنٹور کے تلورو میں 25جون کو انا کینٹن کا آغاز جائے گا ۔ اس سلسلہ میں اکشے پاترا فاؤنڈیشن نے حکومت سے معاہدہ کیا ہے ۔ وزیر اعلی چندرا بابو نائیڈو نے انا کینٹنس کی شروعات کا انتخابی وعدہ کیا تھا اور حال ہی میں ایک وفد نے تمل ناڈومیں اماں کینٹنس کا معائنہ بھی کیا تھا جہاں سستے داموں پر ناشتے کی سہولت فراہم کی جارہی ہے ۔ تمل ناڈوکی اماں کینٹنس کی طرز پر یہاں پر انا کینٹنس کی شروعات کی جائے گی ۔ بتایا جاتا ہے کہ وزیر اعلی چندرا بابو نائیڈو اس کینٹن کا افتتاح کریں گے ۔