حیدرآباد میں اتوار کو عازمین حج کا تربیتی اجتماع

حیدرآباد: تلنگانہ اسٹیٹ حج کمیٹی کے زیر اہتمام منتخب عازمین حج کے لئے پانچواں تربیتی اجتماع اتوار 26جون کو 9:30بجے تا 1:30بجے دن جامع مسجد دارالشفا حیدرآباد میں منعقد ہوگا۔
اسپیشل افسرتلنگانہ اسٹیٹ حج کمیٹی پروفیسر ایس اے شکور صدارت کریں گے ۔اس کیمپ میں ممتاز علمائے کرام اور ماہرین فضائیل و مناسک حج و عمرہ ‘ اور سفر حج سے متعلق ضروری امور بیان کریں گے ۔ احرام باندھنے کا طریقہ سمجھایا جائے گا اور اس کی شرائط بیان کی جائیں گی۔
عازمین حج سے بپابندی وقت شرکت کی خواہش کی گئی ہے ۔ وہ اپنے ساتھ نوٹ بک اور پین ضرور لائیں تاکہ اہم باتیں نوٹ کی جاسکیں۔خاتون عازمین کے لئے خصوصی انتظامات کئے گئے ہیں ۔اجتماع میں پرائیویٹ ٹور آپریٹرز کے توسط سے جانے والے عازمین بھی شرکت کرسکتے ہیں۔