دہلی میں بارش، امس سے راحت

نئی دہلی:قومی دارالحکومت دہلی میں آج مانسون کی قبل کی بارش سے لوگوں کو گرمی اور امس سے راحت ملی ہے ۔
محکمہ موسمیات کے مطابق دارالحکومت میں ہلکی بارش ہوئی جس سے کم از کم درجہ حرارت 26 ڈگری ریکارڈ کیا گیا جو معمول سے تین ڈگری نیچے ہے ۔ صبح آٹھ بج کر 30 تک 13.4 ملی میٹر بارش ریکارڈ کی گئی۔
انہوں نے بتایا کہ دارالحکومت اگلے چند دن تک گرمی اور امس راحت ملتی رہے گی۔ جزوی طور پر بادل چھائے رہنے کے علاوہ کچھ علاقوں بارش اور گرج چمک کے ساتھ چھینٹے پڑنے کا اندازہ ہے ۔
محکمہ موسمیات نے کہا کہ زیادہ سے زیادہ درجہ حرارت 36 ڈگری رہنے کا اندازہ ہے ۔ واضح رہے کہ گزشتہ دو ہفتوں سے دہلی میں گرمی اور امس برقرار ہے ۔ انہوں نے کہا کہ یکم جولائی کو جنوبی مغربی مانسون کے یہاں پہنچنے کا اندازہ ہے ۔