ممبئی(وارتا) بالی ووڈ کی مشہور اداکارہ اورفلمساز دیا مرزا کا کہنا ہے کہ وہ ۱۰۰؍کروڑکے کلب میں شامل ہونے کیلئے بابی جاسوس کا پروڈکشن نہیں کررہی ہیں۔ دیا مرزا پنی ہوم پروڈکشن کے بینر کے تحت ودیا بالن کو لیکر بابی جاسوس بنارہی ہیں۔ دیازائد خان اورساحل سندھا کی مشترکہ پروڈکشن کمپنی ہے اوراسی کمپنی کے بینر کے تحت بابی جاسوس بنائی جارہی ہے دیا نے کہا کہ میں ۱۰۰؍کروڑکے کلب میں شامل ہونے کیلئے بابی جاسوس نہیں بنار ہی ہوں۔ میں ایک اچھی کہانی ناظرین کودکھانا چاہتی ہوں میں چاہتی ہوں کہ میری بنائی فلم سے ناظرین کی تفریح ہوسکے۔ میں باکس آفس کے اعدادوشمار پر توجہ نہیں دیتی ہوں۔ میری فلم لوبریک اپ زندگی کو ناْظرین نے بیحد پسند کیا تھا اوربابی جاسوس کے ساتھ بھی یہی چاہتی ہوں۔ دیا نے کہا کہ جب میں بابی جاسوس کی اسکرپٹ پرکا م کررہی تھی تب میں نے سوچا کہ اس کردار کیلئے ودیا بالن کے علاوہ کوئی اور اداکارہ نہیں ہوسکتی ۔ میں یہ کردارنہیں کرسکتی تھی۔ اسلئے میں نے ودیا کا انتخاب کیا میں خوش قسمت ہوں
کہ ودیا میری فلم میں کام کررہی ہیں۔
