ممبئی(وارتا) بالی ووڈ میں اپنی شوخ ادائوں سے ناظرین کودیوانہ بنانے والی جوہی چائولہ کا کہناہیکہ گلاب گینگ کے بعد شائد انھیں مادھوری دکشت کے ساتھ کام کرنے کا موقع نہیں ملے گا ۔ جوہی نے مادھوری کے ساتھ گلاب گینگ میں کام کیا ہے۔ یہ پہلا موقع ہے جب یہ دونوںاداکارائیں کسی فلم میں ایک ساتھ نظرآئیں گی۔ جوہی نے کہا کہ یہ بہت کم دیکھنے کو ملتا ہے جب اچھی کہانیا ہمیںمل پاتی ہیں۔ اورہم محنت کے ساتھ کام کرپاتے ہیں۔ شائد گلاب گینگ کے بعد مجھے مادھوری کے ساتھ کام کرنے کا موقع نہیں مل سکے۔ جوہی نے کہا کہ ایک وقت میںا ورمادھوری مدمقابل تھے اوراس دوران مجھے اس کے ساتھ کام کرنے کا موقع ملاتھا لیکن بات نہیں بنی گلاب گینگ میں ہم دونوں نے ایک دوسرے ک
ے ساتھ اس لئے کام کیا کیوں کہ ہمیں محسوس ہو ا کہ ہم دونوں اس فلم کیلئے بہتر رہیں گے۔ وہیں دوسری جانب جوہی چاولہ نے کہاہے کہ پاکستانی عوام ہندوستانی عوام سے بہت پیارکرتے ہیں میں جلد پاکستان آئونگی۔بھارتی فلم کی کہانی اب تبدیل ہوچکی ہے جولوگ۲۰ سال پہلے دیکھناچاہتے تھے اب اس سے ہٹ کے دیکھناچاہتے ہیں میری ہمیشہ سے کوشش ہے کہ کام وہ کروں جولوگوں کو پسندآئے۔ ان خیالات کااظہار انھوں نے ہندوستان میں نمائندہ ایکسپریس سے ایک ملاقات کے موقع پرکیا۔جوہی چاولہ کا کہنا تھا کہ ’قیامت سے قیامت تک‘،’قرض چکاناہے‘،’ڈر‘ اور ’ہم ہیں راہی پیارکے‘ میری وہ فلمیں ہیں کہ جنھوں نے مجھے بین الاقوامی سطح پر شہرت دلوائی میں ہندوستان فلم انڈسٹری کواپنا گھر سمجھتی ہوں اورہمارے ڈائریکٹر پروڈیوسر بھی میرے ساتھ وہ ہی رویہ رکھتے ہیں جوگھروالوں کے ساتھ رکھاجاتاہے ایک سوال کے جواب میں جوہی چاولہ کاکہنا تھا کہ پاکستان میں میرے ماموں مقیم ہیں مگرمیں جب بھی جاتی ہوں توایسالگتاہے کہ جیسے پاکستان کی تمام عوام میری رشتے دارہے لوگ مجھے اتناپیاردیتے ہیں کہ جس کاکوئی حساب نہیں گزشتہ سال جب میراپاکستان جاناہوا تومیری اکثرتقریبات میں جانے کااتفاق ہواوہاں کاکلچرکھانے اوررہن سہن ایک جیساہے پاکستانی عوام ہندوستانی عوام سے بہت پیارکرتے ہیں میں جلد پاکستان آئونگی۔
