میرٹھ:اترپردیش میں میرٹھ کے موانہ علاقے میں ایک فاترالعقل بچے کو نامعلوم لوگوں نے قتل کردیا جس کی لاش رات اسکول کے احاطے میں پڑی ملی ۔پولیس ذرائع نے آج یہاں بتایا کہ موانہ قصبے کے منا لال محلے کے رہنے والے شنی عرف آشو(13) کی لاش رات تقریباً نوبجے اسکول کے احاطے میں پڑی ملی ۔
قاتلوں نے بچے کو اینٹ سے کچل رکھا تھا ۔قتل کی وجہ کا پتہ نہیں چل سکا ہے ۔انہوں نے بتایا کہ آشو فاترالعقل تھا اور دھر ادھر گھومتا رہتا تھا۔اس سلسلے میں نامعلوم لوگوں کے خلاف معاملہ درج کرا دیا گیا ہے ۔پولیس معاملے کی تفتیش کررہی ہے ۔
