ممبئی۔ (یو این آئی) بالی ووڈ کے چاکلیٹی ہیرو شاہد کپور کا کہنا ہے کہ اب وہ ہر سال تین فلموں میں کام کریں گے۔شاہد کپور کی فلمیں کچھ برسوں سے ٹکٹ کھڑکی پر کوئی کمال پیش نہیں کرسکی تھیں۔ سال 2013میں ریلیز ہونے والی شاہد کپور کی فلم “آر راجکمار” کو ٹکٹ کھڑکی پر اوسط کامیابی ملی ۔ شاہد کپور نے کہاکہ میں نے اب فیصلہ کیا ہے کہ میں ہر سال کم از کم تین فلموں میں کام ضرور کروں گا۔شاہد کپور نے کہاکہ میں گزشتہ تین برسوں سے صرف ایک ہی فلم میں کام کررہا تھا اس لئے شائقین سے جڑنے کا زیادہ موقع نہیں مل پاتا تھا۔ میں نے محسوس کیا کہ جب مجھے زیادہ بریک مل جاتا ہے تو میں تھوڑا لاپرواہ ہوجاتا ہوں۔ میں اب ہر طرح کی فلموں میں کام کرنا چاہتا ہوں تاکہ شائقین کو اپنی قابلیت دکھا سکوں۔ شاہد کپور ان دنوں وشا
ل بھاردواج کی فلم “حیدر” کی شوٹنگ میں مصروف ہیں۔
