پڈوچیری: سابق صدر اے پی جے عبدالکلام کی پہلی برسی پر آج انہیں پڈوچیری میں خراج عقیدت پیش کیا گیا۔پڈوچیری کے عوامی بہبود کے وزیر ایم کنڈاسوامی، ڈپٹی اسمبلی اسپیکر شوکو نجوتو اور دیگر رہنماؤں نے ڈاکٹر کلام کی تصویر پر گلہائے عقیدت پیش کئے ۔
یہاں کے گاندھی اسکوائر میں کلام موومنٹ کے نام سے ایک پروگرام کا اہتمام کیا گیا ہے ۔اس موقع ہر مسٹر کنڈاسوامي نے اسکولی بچوں کو پودے تقسیم کئے ۔ قبل ازیں تقریبا ًدو سو طلباء نے اپنے ہاتھ میں پودے اور موم بتی لے کر چیف سیکرٹری سے گاندھی اسکوائر تک جلوس نکال کر ڈاکٹر کلام کو خراج عقیدت پیش کیا۔
