جے پور: راجستھان میں بھیل واڑہ ضلع کے بجولیا علاقہ میں آج ایک اسکولی بس پلکی ندی میں گر گئی۔ تاہم بس میں سوار قریب چالیس بچوں کو بچا لیاگیا۔
موصولہ اطلاع کے مطابق آچاریہ ودیاساگر اسکول کی بس بچوں کو لے کر اسکول جارہی تھی کہ پلکی ندی کے پل پر قریب دو فٹ پانی بھر جانے کی وجہ سے وہ ندی میں گر گئی۔
آس پاس کے دیہاتیوں نے بس کے شیشے توڑ کر تمام بچوں کو بحفاظت دریا سے باہر نکال لیا۔ موقع پر پہنچی پولیس نے بھی بچوں کو باہر نکالنے میں مدد کی۔ حادثہ میں کچھ بچوں کو معمولی چوٹیں آئی ہیں۔
