کیندر پاڑہ:اڑیسہ کے کیندر پاڑہ ضلع کے دیراس تھانہ کے چاس کھانڈ گاؤں میں ہوئے ایک دلدوز واقعہ میں ایک بندر نے ڈھائی ماہ کے بچے کو درخت پر لے جاکر نیچے پھینک دیا جس سے اس کی موت ہوگئی۔سرکاری ذرائع نے بتایا کہ نرسنگھ ساہو کے ڈھائی ماہ کا بیٹا بلو گھر میں سورہا تھا کہ ایک بندر گھر میں گھس آیا اور بچے کو گود میں اٹھاکر درخت پر چڑھ گیا۔
کنبہ اور آس پاس کے لوگوں نے جب اس کا تعاقب کیا تو بندر نے اسے درخت سے نیچے پھینک دیا جس سے بچہ پانی کی بالٹی میں جاگرا۔بچہ کو فوراً اسپتال لے جایا گیا مگر ڈاکٹروں نے اسے مردہ قرار دے دیا۔
