فلم ”مبارکاں” میں اتھیا اور الیانا کے ساتھ ارجن کپور

ممبئی:بالی ووڈ اداکار ارجن کپور پردہ سیمیں پر اتھیا شیٹی اور الیانا ڈیکروز کے ساتھ نظر آسکتے ہیں۔
بالی ووڈ ہدایت کار انیس بزمی کی فلم مبارکاں بنانے والے ہیں۔فلم میں ارجن مرکزی کردار میں نظرآئیں گے ۔فلم میں ان کا ڈبل رول ہوگا اور فلم میں دو اداکارائیں ہوں گی جن کی تلاش طویل عرصے سے جاری تھی اور یہ تلاش اب ختم ہوگئی ہے ۔
اتھیا شیٹی اور الیانا ڈیکروز،ارجن کے ساتھ اس فلم میں نظرآئیں گی۔فلم ”ہیرو”کے بعد اتھیا کی یہ دوسری فلم ہوگی۔ساتھ ہی فلم ریلیز ہونے کی تاریخ کابھی اعلان کردیا گیا ہے ۔آئندہ سال 28جولائی کو یہ فلم ریلیز ہوگی۔فلم میں انل کپور بھی اہم کردار میں ہیں۔فلم میں انل اور ارجن چچا بھتیجے کے کردار میں نظر آئیں گے ۔