بھاگلپور اور کٹھیار میں بھاری مقدار میں شراب برآمد : 5 گرفتار

بھاگپور/کٹھیار: بہار میں بھاگلپور اور کٹھیار ضلع سے پولیس نے بھاری مقدار میں دیسی اور غیر ملکی شراب برآمد کرکے پانچ اسمگلروں کو گرفتار کیا ہے ۔
بھاگلپور سے موصول رپورٹ کے مطابق مسافروں سے ملی اطلاع کی بنیاد پر کل دیر رات ریلوے پولیس نے بھاگلپور اسٹیشن پر ہاوڑہ سے جے نگر جانے والی پیسنجر ٹرین کے ایک ڈبے سے 635 پا¶چ دیسی شراب برآمد کی۔ اسمگلروں نے شراب کو تین بوری میں بند کرکے سیٹ کے نیچے چھپا رکھا تھا ۔ برآمد شدہ شراب جھارکھنڈ کی بنی ہوئی ہے چھاپے کے دوران اسمگلر فرار ہوگئے ۔
دوسری طرف کٹھیار سے موصول ہوئی اطلاع کے مطابق مغربی بنگال کی سرحد سے ملحق اعظم نگر تھانے کی پولیس نے آج علی الصبح کلہریا موڑ کے قریب دو گاڑیوں سے 258 لیٹر غیر ملکی شراب برآمد کی ۔ اس دوران پولیس نے پانچ اسمگلروں کو گرفتار کرلیا یہ اسمگلر اسی تھانہ علاقہ کے رہنے والے ہیں جن سے پوچھ گچھ کی جارہی ہے ۔