کہرے کی وجہ سے 81 ٹرینیں تاخیر سے چلیں ، 12 منسوخ

نئی دہلی: قومی راجدھانی میں آج کہرے کا اثر کم رہا لیکن حد بصیرت کم ہونے کی وجہ سے 81 ٹرینیں تاخیر سے چلیں اور 12 منسوخ کر دی گئیں۔ ریلوے اسٹیشن کے ایک افسر نے بتایا کہ کہرے کی وجہ سے تقریبا 81 ٹرینیں دو گھنٹے سے زیادہ تاخیر سے چلیں اور 41 ٹرینوں کے ٹائم ٹیبل میں تبدیلی کی گئی۔ کہرے کی وجہ سے 12 ٹرینوں کو منسوخ کر دیا گیا۔ محکمہ موسمیات کے مطابق یہاں کا کم از کم درجہ حرارت 12.3 ڈگری سیلسئس ریکارڈ کیا گیا ہے ۔ زیادہ سے زیادہ درجہ حرارت آج 25 ڈگری سیلسئیس رہنے کا امکان ہے ۔ شہر میں آج صبح حد بصیرت 500 میٹر سے کم رہی۔ واضح رہے کہ جمعہ کو شہر کا زیادہ سے زیادہ درجہ حرارت 24.6 ڈگری سیلسئیس ریکارڈ کیا گیا تھا جو معمول سے کچھ زیادہ ہے اور کم از کم درجہ حرارت 11.5 ڈگری درج کیا گیا تھا جو معمول سے تین ڈگری زیادہ ہے ۔