جونپور: اترپردیش میں ضلع جونپور کے جلال پور علاقے میں کل دیر رات سونے کی حالت میں نامعلوم بدمعاشوں نے ایک عمر رسیدہ کو گولی مار کر قتل کردیا۔ پولس ذرائع نے آج یہاں بتایا کہ جلالپور علاقے میں سریا گاؤں کا باشندہ کیلاش موریہ (70) رات کو کھانا کھا کر گاؤں کے باہر اپنے مکان پر سو رہا تھا۔ اسی درمیان نامعلوم بدمعاشوں نے طمنچے سے اس کی کنپٹی پر گولی مار دی۔
گولی کی آواز سن کر گھر کے لوگ وہاں گئے اور شدید زخمی حالت میں اسے اسپتال لے جایا گیا جہاں ڈاکٹروں نے انہیں مردہ قرار دے دیا۔ فی الحال قتل کی وجہ کا پتہ نہیں چل سکا۔ اس سلسلے میں کیس درج کرا دیا گیا ہے ۔ پولس معاملے کی تفتیش کررہی ہے ۔
