ممبئی:بالی ووڈ میں اپنی سنجیدہ اداکاری کے لیے مشہور ودیا بالن نے فلم ”آمی”میں کام کرنے سے انکار کر دیا ہے ۔
ودیا بالن نے کملا داس پر بننے والی آپ بیتی اب چھوڑ دی ہے ۔کملا داس کیرالہ کی ایک شاعرہ اور اہم ملیالم مصنفہ تھیں۔ کملا داس پر بن رہی فلم کا نام ‘آمی’ ہے ۔ اس فلم میں وہ کملا داس کا کردار ادا کرنے والی تھیں۔ تنازعات میں رہی شاعرہ کملا داس پر بن رہی ملیالم فلم ‘آمی’ میں ودیا بالن کام کر رہی تھیں لیکن اب انہوں نے اس آپ بیتی میں کام کرنے سے انکار کر دیا ہے ۔
بتایا جا رہا ہے کہ، ودیا اور فلم کے ڈائریکٹر کے نظریات نہیں مل رہے تھے ، جس کی وجہ سے ودیا نے یہ فیصلہ کیا۔ ودیا نے فلم میں کردار ادا کرنے کی تیاری تو کر لی تھی لیکن فلم بنانے کے عمل کو لے کر ان کے ڈائریکٹر کمال الدین محمد ماجد کے ساتھ کچھ اختلافات تھے ۔
ودیا فلم کے ڈائریکٹر اوراس سے منسلک پوری ٹیم کا احترام کرتی ہیں۔ لیکن فلم کو لے کر الگ الگ نظریات کی وجہ سے انہوں نے یہ فیصلہ کیا۔
