مہوبہ میں فائرنگ سے لوگوں میں دہشت پھیلانے والا ملزم گرفتار

مہوبہ: اترپردیش میں مہوبہ کے شہر کوتوالی علاقے میں اندھادھند فائرنگ کر کے علاقے میں خوف و ہراس
پھیلانے والے ملزم نوجوان کو گرفتار کر کے جیل بھیج دیا گیا۔
ڈپٹی پولیس سپرنٹنڈنٹ جتندر دوبے نے آج یہاں بتایا کہ گاندھی نگر علاقے میں آشو نامی نوجوان نے رات غیر قانونی پستول سے کائی راؤنڈ فائرنگ کی جس سے علاقے میں خوف و ہراس پھیل گیا۔ ملزم نشے میں تھا۔ فائرنگ کی وجہ سے لوگ گھر کے دروازے بند کرکے چھپ گئے ۔
اطلاع کے بعد پولیس موقع پر پہنچی اور ملزم نوجوان کو گرفتار کر کے اس کے پاس سے پستول اور کچھ کارتوس برآمد کئے ۔