ودیا بالن اب عامرخان کے ساتھ کام کرنے کے لیے پر تولنے لگیں

ممبئی: بالی ووڈ اداکارہ ودیا بالن جو کرداروں کے حوالے سے سوچ سمجھ کر فیصلہ کرتی ہیں اب وہ بالی ووڈ کے مسٹر پرفیکشنسٹ عامرخان کے ساتھ کام کرنے کے لیے پر تولنے لگی ہیں۔
بھارتی میڈیا رپورٹس کے مطابق بالی ووڈ اداکارہ ودیا بالن سے جب اداکارعامرخان کے ساتھ کام کرنے کے حوالے سے پوچھا گیا تو ان کا کہنا تھا کہ اگر فلم کی کہانی اچھی ہو تو عامر کے ساتھ کام کرنے کی بہت خواہش ہے لیکن ابھی تک یہ نہیں سوچا کہ ان کے ساتھ میں کس طرح کی فلم اور کردارمیں جلوہ گرہونا چاہوں گی۔ صرف عامرخان ہی نہیں بلکہ ہر اچھے اداکار، ہدایتکار اورمصنف کے ساتھ کام کرنے کی خواہشمند ہوں۔
ودیا بالن نے’’دنگل’’ کی تعریف کرتے ہوئے کہا کہ فلم کی کہانی، ہدایتکاری، اداکاری، موسیقی اور عکسبندی سب ہی بہترین تھے، اسی لیے فلم دنگل ایک نا قابل یقین فلم ہے۔
واضح رہے کہ اداکارہ اپنی نئی ا?نے والی فلم ‘‘بیگم جان’’ میں جلوہ گر ہوں گی جو آئندہ ماہ سینما گھروں کی زینت بنے گی۔