ممبئی (ایجنسی)) بالی وڈ فلمساز و پروڈیوسر کرن جوہر سال۲۰۱۴ء کے اختتام پر دوبارہ سے ہدایتکاری کا آغاز کریں گے۔ بالی وڈ فلمساز و پروڈیوسر کرن جوہر جنہوں نے سال ۲۰۱۲ء میں فلم ’’سٹوڈنٹ آف دی ایئر ‘‘ کی ہدایتکاری کی تھی اور اس کے بعد کسی فلم کی ہدایتکاری نہیں کی۔ کرن جوہر کا کہنا ہے کہ وہ ۲۰۱۴ء کے اختتام پر دوبارہ سے ہدایتکاری کا آغاز کریں گے وہ نئی فلم پر کام شروع کریں گے جس کے بارے میں بات کرنا قبل از وقت ہوگا۔ کرن جوہر سپر ہٹ فلموں جیسے ’’کچھ کچھ ہوتا ہے ‘ کبھی خوشی کبھی غم اور دیگر کی ہدایتکاری کرچکے ہیں۔دوسری طرف فلمساز و ہدایتکار کرن جوہر کے دھرما پروڈکشنز نے پری نیتی چوپڑا اور سدھارتھ ملہوترا کی نئی رومانٹک کامیڈی فلم “ہنسی تو پھنسی”کے ٹریلر کے بعد نئے گانے” عشق بلاوا” کی وڈیو بھی جاری کردی گئی۔ فلم کے اس گانے کو گلوکار کی آواز میں ریکارڈ کیا گیا ہے جس کی وڈیو میں پری نیتی اور سدھارتھ کو مختلف عوامی مقامات پر تفریح کر تے دکھایا گیا ہے۔ ہدایتکار وِنیل میتھیوکی اس فلم میں سدھارتھ اور پری نیتی کیساتھ آدہا شرما اہم کردار ادا کررہی ہیں۔فلمسازو ہدایتکار کرن جوہر اور انوراگ کیشپ کی پروڈیوس کردہ اس فلم کی کہانی میتا(پری نیتی)اور نکہیل(سدھارتھ) کے گرد گھومتی ہے جو غیر معمولی حالات میں ملتے ہیں اور پھر ایک دوسرے کی محبت میں گرفتار ہوجاتے ہیں۔کامیڈی اور رومانس سے بھرپور یہ فلم ہنسی تو پھنسی دھرما پروڈکشن کے بینر تلے رواں سال۷فروری کو سینما گھروں کی زینت
بنے گی جس کا میوزک موسیقار جوڑی وشال شیکھر نے ترتیب دیا ہے۔
