مہوبہ: اترپردیش میں مہوبہ کے کھنہ علاقے میں نشے میں دھت ایک نوجوان نے ایک بزرگ عورت کو اپنی ہوس کا شکار بنایا۔ عورت کو نازک حالت میں ہسپتال میں داخل کرایا گیا ہے ۔
پولیس سپرنٹنڈنٹ انیس احمد انصاری نے آج یہاں بتایا کہ تمورا گاؤں میں درج فہرست ذات کی بستی میں قریب 80 سالہ بوڑھی عورت اپنے گھر کی چوکھٹ پر چارپائی پر سو رہی تھی کہ دیر رات بدھو نامی نوجوان شراب پی کر وہاں سے گزرا اور اس نے بزرگ کی عصمت دری کی۔ انہوں بتایا کہ خاتون کو زخمی حالت میں علاج کے لئے سرکاری اسپتال میں داخل کرایا گیا ہے ۔ملزم کی گرفتاری کے لئے پولس کی ایک ٹیم تشکیل دی گئی ہے ۔
