نیویار ک (بھاشا) ہند نژاد صنعت کاروں کی جانب سے مل کر قائم اور ان کی قیاد ت میں چل رہی آٹھ کمپنیوں کو فوربس میگزین کی ایسی ۱۰۰ سب سے ہونہار پرائویٹ امریکی کمپنیوں کی فہرست میں جگہ ملی ہے جن کا سالانہ کارو بار ۲۵ کروڑ ڈالر سے کم ہے ۔ فوربس نے کہا ہے کہ اس طرح کی تازہ سالانہ فہرست میںشامل ۱۰۰ کمپنیوں میں سے ۸ کمپنیوں میں معاون بانی یا سر براہ ہند نژاد صنعت کار ہیں۔ فہرست میں سب سے اوپر کیلی فورنیا واقع کمپنی فوہو ہے جو بچوں کے لئے اینڈرائڈ پر مبنی ٹیبلیٹ ’نابی‘ فروخت کر تی ہے ۔ ا س کا کار و بار ۵ء ۱۷ کروڑ ڈالر ہے اور اس نے کمپیوٹر کمپنی ایسر اور اینیمیشن اسٹوڈیو ڈریم ورک کی مدد سے ۵ء ۵ کروڑ ڈالر کا بند و بست کیا ہے۔ وہیں فہ
رست میں ۲۷ ویں نمبر پر میری لینڈ واقع تکنیکی کمپنی ویڈنگ وائر ہے جو ۱۰۰ ارب ڈالر سے زیادہ کے شادی ۔ سود ، کار پوریٹ اور سماجک پرو گرام صنعت کو اپنی خدمات فراہم کرتی ہے ۔ ا س کمپنی کے معاون بانیوں میں سے ایک سونی گانگولی ہاورڈ بزنس اسکول سے ایم بی اے ہیں جہاں انہوں نے مارکیٹنگ کلب کے صدر کے طور پر اپنی خدمات دی ہے ۔ گانگولی ویڈنگ وائر کے چیف مارکیٹنگ افسر ہیں۔ ویڈنگ وائر کو ۲۰۰۷ میں قائم کیا گیا۔
فہرست میں ۵۲ ویں نمبر پر پریپے نیشن ہے جس کے معاون بانی انوراگ جین،اجے وکاس گوئل ہیں۔ موبائل خدمات فراہم کرنے والی اس کمپنی کا کار و بار ۱۱ کروڑ ڈالر کا ہے ۔ دس قبل ہندوستان سے آئے گوئل اور جین کو اپنے گھر والوں کو رقم بھیجنے میں پریشانیوں کا سامنا کرنا پڑا جس کے بعد انہوں نے یہ کمپنی شروع کی ۔
