لکھنؤ۔(نامہ نگار)۔مانک نگر علاقہ میں سائیں مندر میں چوری کے ارادہ سے گھسے ایک چور کو گزشتہ رات لوگوں نے پکڑ لیا۔ بتایا جا تا ہے کہ ملزم کا ایک ساتھی بھی تھا جو موقع سے فرار ہو گیا۔ فی الحال پولیس پکڑے گئے چور سے تفتیش کر رہی ہے۔ مانک نگر کے شرنگار نگر واقع سائیں مندر میں جمعہ کی رات سائیں مندر میں دو چور گھس گئے۔ چوروں نے مندر کے اندر سے نقد روپئے چوری کرنے کی کوشش کی۔ اس درمیان وہاں موجود لوگوں کی نظر پڑ گئی۔ لوگوں نے شور مچادیا۔ شور ہوتے ہی دونوں چور وہاں سے بھاگ نکلے۔ اس پر لوگوں نے ایک چور کو کسی طرح پکڑ لیاجبکہ اس کا ایک دیگر ساتھی فرار ہونے میں کامیاب ہو گیا۔ لوگوںنے پکڑے گئے چور کی زبردست پٹائی کی اور پھر اس کو مانک نگر پولیس کے حوالے کر دیا۔
مانک نگر پولیس پکڑے گئے چور سے فی الحال تفتیش کر رہی ہے۔
