خصوصی مہم میں 25گرفتار،شراب برآمد

چھپرا:بہار کے سارن ضلع میں بدمعاشوں کے خلاف چلائی جارہی خصوصی مہم میں 25افراد کو گرفتار کیا گیا ہے ۔پولیس سپرنٹنڈنٹ ہری کشور رائے نے آج یہاں بتایا کہ بدمعاشوں کو پکڑنے کے لئے چلائی جارہی خصوصی مہم میں گزشتہ 24گھنٹوں کے دوران 25لوگوں کو گرفتار کیا گیا ہے ۔

اس دوران اوتار نگر تھانہ علاقے میں مٹی سے لدے دو ٹرکوں کو ضبط کیا گیا ہے ۔اس سلسلے میں دو افراد کو گرفتار کیا گیا ہے جن سے پوچھ تاچھ کی جارہی ہے ۔وہیں،مہم کے دوران مختلف مقامات پر 23افراد کو گرفتار کیاگیا ہے ۔اس کے علاوہ مشرکھ تھانہ علاقے میں 50 لیٹر دیسی شراب برآمد کی گئی ہے ۔