لکھنؤ: اترپردیش کے وزیر اعلی یوگی ادیتیہ ناتھ کی دوسری ریاستوں میں ہورہے مسلسل دوروں سے واضح ہے کہ بی جے پی انہیں قومی سطح پر قائم کرنے کی پالیسی بنارہی ہے ۔
پارٹی کے اعلی ذرائع نے بتایا کہ مسٹر یوگی کا کیرل او رگجرات دورہ کے بعد کل سے ہماچل پردیش کا دورہ شروع ہورہا ہے ۔ اس سے واضح ہے کہ تنظیم انہیں صرف اترپردیش تک ہی محدود نہیں رکھنا چاہتی ۔ مسٹر یوگی ہماچل پردیش کے دو روزہ دورے کے بعد جلد ہی دوبار ہ گجرات جائیں گے ۔
مسٹر یوگی اپنے لباس کی وجہ سے کچھ کہے بغیر ہی ہندوتو کا پیغام دے دیتے ہیں۔ آر ایس ایس اور بی جے پی اسی وجہ سے ایک سوچی سمجھی اسکیم کے تحت انہیں کئی دیگر ریاستوں میں مسلسل بھیج رہی ہے ۔ اسی ماہ کے اوائل میں مسٹر یوگی کو کیرل بھیجا گیا تھاڈ وہ پارٹی صدر امت شاہ کی جن رکشا یاترا میں شامل ہونے کے لئے کیرل گئے تھے ۔ لباس کی وجہ سے اور اہم ریاست کا وزیر اعلی ہونے کے سبب وہ وہاں توجہ کا مرکز رہے ۔
