اچھی کہانی ، اسکرپٹ کی پہنچان نہیں: شاہ رخ

ممبئی:بالی ووڈ کے کنگ خان شاہ رخ کا کہنا ہے کہ انہیں اچھی کہانی ا ور اسکرپٹ کی پہنچان نہیں ہے ۔ شاہ رخ نے کہا کہ وہ آج بھلے ہی ایک بڑے اسٹار ہوں لیکن ان کے نام کے ساتھ کئی کامیاب فلموں کی لسٹ ہے لیکن آج بھی ایک اچھی کہانی یا ایک اچھی اسکرپٹ کی سمجھ نہیں ہے ۔ شاہ رخ نے بتایا کہ انہوں نے کئی فلموں کو بغیر پڑھے ہی سائن کرلیا تھا۔

انہوں نے کہا جب میں نے کرن جوہر کی فلم کچھ کچھ ہوتا ہے اور کبھی خوشی کبھی غم سائن کی اس وقت بھی کہانی کولیکر میری کوئی سمجھ نہیں تھی۔ سچ تو یہ ہے کہ کبھی خوشی کبھی غم کی کہانی تو میں نے سنی ہی نہیں تھی اور فلم سائن کرلی تھی۔
شاہ رخ ان دنوں اپنے بینر تلے فلم اتفاق کے پروموشن میں مصروف ہیں۔ 70 کی دہائی میں آئی اتفاق یش چوپڑا کی ایک کلاسک فلم تھی۔ جس میں راجیش کھنہ اور نند اہم کردار میں نظر آئے تھے ۔ یہ فلم 3 نومبر کو ریلیز ہوگی۔