اترپردیش بلدیاتی انتخابات : 14 سیٹوں پر بی جے پی کامیاب ، دو پر بی ایس پی نے جیت درج کی

لکھنؤ۔ اترپردیش بلدیاتی انتخابات کے ووٹوں کی گنتی کے شروعاتی رجحان میں برسر اقتدار بھارتیہ جنتا پارٹی(بی جے پی) دیگر پارٹیوں سے سبقت لیتی نظرآرہی ہے۔

ریاست کے 16میونسیپل کارپوریشن میں بی جے پی کے امیدوار اہم سبقت برقرار رکھے ہوئے ہیں حالانکہ میونسیپلٹی اور نگر پنچایتوں میں بہوجن سماج پارٹی(بی ایس پی) کے ساتھ ساتھ سماجوادی پارٹی (ایس پی) کے امیدوار برسراقتدار پارٹی کو سخت مقابلہ دے رہے ہیں۔

ریاست میں اضلاع کے 652کارپوریشنوں میں صبح 11:30بجے تک 16میئر،198میونسیپلٹی کے صدر اور 438 نگر پنچایت کے چیئرمین کے عہدوں کے نتیجے نہیں آئے تھے مگر 10میونسیپل کارپوریشن میں بی جے پی کے میئر امیدوار سبقت پر تھے۔

UP Civic Polls Result 2017 Live

بی جےپی کےلئے عزت کا سوال بنی اجودھیا میونسیپل کارپوریشن بی جے پی امیدوار اپنے نزدیکی حریف سے قریب 2500 ووٹوں سے آگے تھے جبکہ گورکھپور میں بی جےپی امیدوار 20ہزار ووٹوں کے ساتھ سبقت پر ہے۔ میونسیپلٹی میں بی جےپی کو ایس پی اور بی ایس پی امیدوار سخت مقابلہ دے رہے ہیں۔زیادہ تر سیٹوں پر کانٹے کی ٹکر ہے۔یہی حال نگر پنچایتوں کا بھی ہے۔ اس مدت میں کونسلر عہدے کے 1300سیٹوں میں سے 37 کے نتیجے سامنے آئے ہیں جس میں 17سیٹوں پر بی جے پی نے قبضہ کیا ہے۔ ایس پی 13سیٹوں پر قبضہ کرکے دوسرے مقام پر ہے جبکہ بی ایس پی کو چار اور کانگریس کو تین سیٹ حاصل ہوئی ہیں۔
اترپردیش بلدیاتی انتخابات : 14 سیٹوں پر بی جے پی کامیاب ، دو پر بی ایس پی نے جیت درج کی
میونسیپلٹی میں بھی بی جے پی کے امیدوار دیگر پارٹیوں سے اہم سبقت بنائے ہوئے ہیں۔
میونسیپلٹی میں بھی بی جے پی کے امیدوار دیگر پارٹیوں سے اہم سبقت بنائے ہوئے ہیں۔میونسیپلٹی کے اراکین کے لئے اب تک جاری نتیجوں میں سے بی جے پی کو 14سیٹیں ملی ہیں جبکہ دیہی علاقوں میں بی ایس پی نے13سیٹیں حاصل کرکے زوردار ٹکر دی ہے۔ایس پی کو آٹھ اور کانگریس کو تین سیٹیں ملی ہیں۔ بلدیاتی انتخابات میں پہلی بار شرکت کررہی عام آدمی پارٹی(آپ )کو اس الیکشن میں اب تک صرف مایوسی ہی ہاتھ لگی ہے۔ محلہ کلینک اور بجلی پانی میں رعایت کے وعدے کے ساتھ انتخابی میدان میں اتری آپ کا ابھی تک کھاتہ بھی نہیں کھلاہے۔ حالانکہ راشٹریہ لوک دل کے ایک امیدوار نے میونسیپلٹی کے رکن کے الیکشن میں بازی مار لی ہے۔