لکھنؤ(نامہ نگار) بنتھرا علاقہ میں ڈریم ورلڈ ملازم نے پھانسی لگا کر خود کشی کر لی۔ اطلاع ملنے پر پہنچی پولیس نے تفتیش کے بعد لاش کو پوسٹ مارٹم کیلئے بھیج دیا۔اطلاع کے مطابق پولیس کا کہنا ہے کہ ڈریم ورلڈ ملازم پنکج نے کچھ سامان چوری کیا تھا۔ پنکج کو اس بات کا اندازہ نہیں تھا کہ وہ سی سی ٹی وی کیمرے کی مدد سے پکڑا بھی جا سکتا ہے۔ دوسرے دن ڈریم ورلڈ انتظامیہ نے اسے پکڑ لیا اور اس کی شکایت ساتھ میں کام کرنے والے پنکج کے بہنوئی شریف سے کی۔
اس کے علاوہ سعادت گنج کے گھنٹہ بیگ گڑھیا میں رہنے والے لیاقت علی کی بیٹی ۱۳سالہ کلثوم دوسروں کے گھروں میں کام کرتی تھی دوشنبہ کو وہ روز کی طرح کام پر گئی تھی۔ لیکن وقت پر واپس نہیں آئی۔ دیر سے واپس آنے پر کلثوم کی بڑی بہن سمرین نے اسے ڈانٹا تو کلثوم کو بہت برا لگا۔ دیر رات اس نے کمرہ بند کر کے پھانسی لگا لی۔ صبح جب سمرین نے اسے پھندے سے لٹکتے دیکھا تو اس بات کی اطلاع پولیس کو دی۔ موقع پر پہنچی پولیس نے لاش کو قبضے
میں لے کر پوسٹ مارٹم کیلئے بھیج دیا۔
