عام بجٹ 2018 : 2022 تک ہر غریب کے پاس ہوگا اپنا گھر، پڑھیں جیٹلی کے بجٹ کی خاص خاص باتیں

نئی دہلی : وزیر خزانہ ارون جیٹلی آج پارلیمنٹ میں 2018-19کیلئے عام بجٹ پیش کیا ۔ انہوں نے اپنی بجٹ تقریر میں کہا کہ ہندوستان کی معیشت تیزی سے بہتر ہورہی ہے ۔ یہ دنیا میں ساتویں سب سے بڑی معیشت بن گئی ہے۔ ساتھ ہی ساتھ انہوں نے کسانوں کی انکم میں اضافہ کیلئے بھی نئے اعلانات کئے ۔

وزیر خزانہ نے بجٹ تقریر میں کہا کہ ہم ریاستوں کے ساتھ مل کر تعلیم کے معیار کو بہتربنانے کیلئے کام کریں گے ۔ انہوں نے کہا کہ از آف ڈوئنگ بزنس کے ذریعہ ہماری حکومت متوسط طبقہ اور غریبوں کی زندگی بہتر بنا رہی ہے ۔ فصل کی مانگ اور قیمت طے کرنے کیلئے الگ نظام ہوگا ۔بیالیس میگا فوڈ پارکس بنائے جائیں گے ۔ 2022 تک ہر شہری کو اپنا گھر مہیا کرانے کا حکومت کا ہدف ہے ۔

بجٹ کی اہم باتیں :۔

تنخواہ یافتہ افراد کیلئے 40000 روپے تک کا اسٹینڈرڈ ڈیٹکشن ۔ تنخواہ یافتہ افراد کیلئے ٹرانسپورٹ اور میڈیکل بل جیسے مدوں میں 40000 روپے تک کا اسٹینڈرڈ ڈیٹیکشن ۔

انکم ٹیکس کی شرحوں میں کوئی تبدیلی نہیں ۔ سینئر سٹیزن کیلئے کئی معاملات میں چھوٹ دی گئی : جیٹلی

سو کروڑ والی کسان کمپنیوں کو چھوٹ ملے گی۔ 250 کروڑ سالانہ ٹرن اوور والی کمپیوں کو 25 فیصدی ٹیکس چھوٹ : جیٹلی

اس مالی سال کیلئے اخراجات کا ریوائزڈ تخمینہ 21.57 لاکھ کروڑ روپے لگایا گیا ہے ۔ ڈیٹ ٹو جی ڈی پی تخمینہ کو کم کرکے 40 فیصدی کرنے کا ہدفت ہے ۔ جیٹلی

صدر جمہوریہ کی تنخواہ بڑھا کر پانچ لاکھ روپے ماہانہ کردی گئی ہے ۔ وہیں نائب صدر کی تنخواہ چار لاکھ روپے ماہانہ کی گئی ہے : وزیر خزانہ

ڈائریکٹ ٹیکس کلیکشن میں 12.6 فیصد کا اضافہ ہوا ۔ 85.9 لاکھ نئے ٹیکس دہندگان حکومت سے جڑے : ارون جیٹلی

بھارت نیٹ کے تحت ایک لاکھ گرام پنچایتیں جڑیں گی ۔ سبھی ٹول پلازہ پر ای پیمنٹ کی سہولت ہوگی ۔ سرحد پر سڑک بنانے پر زور : ارون جیٹلی

آدھار کو کارپوریٹ سیکٹر سے جوڑا جائے گا ۔ سبھی کمپنیوں کیلئے ایک یونیک آئی ڈی ہوگی ۔ یہ کام ایک اسکیم کے تحت کیا جائے گا : جیٹلی

ائیر پورٹ اتھاریٹی آف انڈیا کے 124 ائیر پورٹ ہیں ۔ انہیں پانچ گنا بڑھایا جائے گا۔ ہم چاہتے ہیں کہ ایک سال میں 100 کروڑ لوگ ہوائی سفر کریں : ارون جیٹلی

قبائلی علاقوں میں ایک لوویہ اسکول کھولے جائیں گے اور نو ودیہ ودیالیہ جیسا نظام ہوگا ۔ ان اقدامات کے اعلان کے بعد اب مانا جارہا ہے کہ ان علاقوں میں تعمیر کی سطح میں بہتری آئے گی ۔

مرکزی وزیر ارون جیٹلی نے بجٹ میں تعلیم کو لے کرکئی اعلانات کئے ۔ وزیر خزانہ نے بجٹ تقریر کے دوران کہا کہ 2022 تک ایجوکیشن سسٹم کو سدھارنے کیلئے ایک لاکھ کروڑ روپے خرچ کئے جائیں گے ۔ ساتھ ہی ساتھ حکومت کئی نئی اسکیمیں بھی لانچ کرنے کی تیاری میں ہے ۔

اسمارٹ سٹی مشن کیلئے حکومت 2.04 لاکھ کروڑ روپے خرچ کرے گی۔ مدرا لون اسکیم کے تحت سال 2018-19 میں حکومت تین لاکھ کروڑ روپے کا لون دے گی ۔ تاکہ زیادہ سے زیادہ تعداد میں روزگار کے مواقع پیدا ہوسکے : جیٹلی

ریلوے کی سبھی پٹریوں کو براڈ گیج میں تبدیل کیا جائے گا ۔ سبھی ٹرینوں میں وائی فائی اور سی سی ٹی وی کیمرے لگائے جائیں گے : ارون جیٹلی

گنگا کےکنارے آباد گاوں میں بیت الخلا بنوانے پر زور ، میڈیم اور چھوٹی صنعتوں کیلئے خصوصی امداد ے تحت 3794 ہزار کروڑ روپے الاٹ ۔ دلتوں کیلئے 56 ہزار کروڑ روپے کا فنڈ ۔ آدیواسیوں کیلئے 39135 کروڑ روپے کا فنڈ : ارون جیٹلی

عوامی فلاحی اسکیموں پر حکومت اپنا خرچ بڑھائے گی ۔ حکومت اگلے تین سالوں کے دوران سبھی ملازمین کیلئے ای پی ایف کے تحت 12 فیصدی کا کنٹری بیوشن دے گی : ارون جیٹلی

حکومت ملک کے 96 اضلع میں 2600 انڈر گراونڈ واٹر ایری گیشن پلان کا الاٹمنٹ کرے گی ۔ مالی سال 2018-19 کیلئے حکومت نے صحت اور تعلیم سے وابستہ پروگراموں کیلئے 1.38 لاکھ کروڑ روپے مختص کئے ۔

دس کروڑ غریب کنبوں کیلئے نیشنل ہیلتھ پروٹیکشن اسکیم ہوگی ، جس کے تحت سالانہ ہر کنبہ کو پانچ لاکھ روپے کا ہیلتھ انشورنس دیا جائے گا ۔ پردھان منتری جیون جیوتی بیمہ یوجنا سے سبھی غریب کنبوں کو جوڑا جائے گا۔

سوشل سیکٹر پر فوکس کے تحت حکومت 24 نئے سرکاری میڈیکل کالج کھولے گی۔ تاکہ سبھی لوگوں خاص کر غریبوں کو برقت مناسب علاج کی سہولت مل سکے: جیٹلی

جی ایس ٹی سے تجارت بہتر ہوئی ۔

ہندوستان میں کاروبارکرنا آسان ہوا ۔

ساتویں سب سے بڑی ہندوستان کی معیشت

کسانوں اور غریبوں کیلئے نئی اسکیمیں

آٹھ سو سے زائد دواوں کی قیمتوں میں کمی

دو سے تین دنوں میں پاسپورٹ گھر پہنچایا : جیٹلی

اجولا یوجنا سے غریبوں کو مفت گیس کنکشن ملا : جیٹلی

حکومت کسانوں کی بہتری کیلئے کام کررہی ہے: جیٹلی

کسانوں کو ان کی پیداوار سے زیادہ قیمت ملے : جیٹلی

حکومت کسانوں کی آمدنی میں اضافہ کی پابند :جیٹلی

سبزیوں اور پھلوں کی ریکارڈ پیدا وارہوئی : جیٹلی

بجٹ میں ہم ریاستوں کے ساتھ مل کر تعلیم کے معیار کو بہتر بنانے کیلئے کام کریں گے : جیٹلی

از آف ڈوئنگ بزنس کے ذریعہ ہماری حکومت متوسط طبقہ اور غریبوں کی زندگی بہتر بنا رہی ہے : جیٹلی

مچھلی پالن اور مویشی پروری کیلئے پروجیٹ : جیٹلی

فصل کی مانگ اور قیمت طے کرنے کیلئے الگ نظام ہوگا : جیٹلی

بیالیس میگا فوڈ پارکس بنائے جائیں گے : جیٹلی

دوہزاربائیس سے ہر شہری کا اپنا گھر مہیا کرانے کا ہدف : جیٹلی

دو ہزار کروڑ روپے کی لاگت سے 22 ہزار دیہی منڈیوں کو بنیادی ڈھانچہ کی ترقی ہوگی : جیٹلی

چار کروڑ گھروں میں بجلی کنکشن، تین ہزار پبلک ڈرگ سینٹر، مفت ڈائلیسس منصوبہ: جیٹلی

کاروباری سہولت کے ساتھ زندگی کی آسانی پر توجہ دے رہی ہے حکومت: جیٹلی

ملک کا زرعی پیداوار ریکارڈ سطح پر: جیٹلی

ستائیس اعشاریہ پانچ کروڑ ٹن اناج اور 30 کروڑ ٹن پھل سبزیوں کی ریکارڈ پیداوار: جیٹلی

نیشنل ہیلتھ پروٹیکشن اسکیم کا اعلان ، دس کروڑ غریب کنبوں کو پانچ لاکھ روپے کا ہیلتھ انشورنش : جیٹلی

بی کے مریضوں کو ہر مہینہ پانچ سو روپے کی مدد دی جائے گی : جیٹلی

نیشنل ہیلٹھ پروٹیکشن اسکیم لائے گی حکومت : جیٹلی

ہر تین پارلیمانی حلقہ پر ایک میڈیکل کالج کھولے جائیں گے : جیٹلی