سڈنی : بحر اوقیانوس میں واقع ملک پاپوا نیو گنی کے جنوبی پہاڑی علاقے میں آج صبح دوبارہ زلزلہ کے زوردار جھٹکے آئے جس میں کم از کم 18 لوگوں کی موت ہو گئی۔ ریکٹر اسکیل پر زلزلہ کی شدت 6.7 تھی۔ہیلا صوبہ کے ایڈمنسٹریٹر ولیم بانڈو نے بتایا کہ زلزلہ مقامی وقت کے مطابق آدھی رات کے بعد آئے ۔
اس دوران کئی خطرناک جھٹکے محسوس کئے گئے ۔ انہوں نے کہا”مجھے ابھی اطلاع ملی ہے کہ کل زلزلہ میں 18 افراد کی موت ہو گئی۔مسٹر بانڈو نے کہا”ایسا لگتا ہے کہ ھا ئیڈس کا علاقہ سب سے زیادہ متاثر ہوا ہے ۔ ابھی تک ہلاکتوں کی مجموعی تعداد کے بارے میں پتہ نہیں چلا ہے ۔
لیکن یہ بڑا گاؤں ہے جہاں بڑی تعداد میں لوگ رہتے ہیں”۔قابل غور ہے کہ نو دن پہلے اسی علاقے میں آنے والے زلزلے میں 55 افراد کی موت ہو گئی تھی۔ زلزلے کی وجہ سے کئی گاؤں تباہ ہو گئے ۔زلزلے کی وجہ سے ہوئے لینڈ سلائیڈنگ اور کئی عمارتوں کے گرنے کے علاوہ تیل اور گیس کی سروس میں بھی رکاوٹ پیدا ہو گئی تھا۔
گذشتہ 26 جنوری کو آئے اس سے پہلے زلزلے سے ہوئے والے نقصانات اندازہ کرنے کے لئے حکام اور راحتی اہلکاروں کو جنگلی علاقہ ہائی لینڈز تک پہنچنے کے لئے جدوجہد کرنی پڑ رہی ہے ۔
وہ مقامی متاثرین کو مدد فراہم کرنے کی کوشش میں لگے ہوئے ہیں۔زلزلہ کے جھٹکوں کی وجہ سے ہو نے والی لینڈ سلائیڈنگ کے سبب بلاک سڑکوں، پھٹی ہوائی ٹریک اور تباہ و برباد ٹیلی کمیونیکیشن لنک سے حکام کی طرف سے اموات کا تجزیہ اور 150،000 سے زائد ضرورت لوگوں تک ضروری سامانوں کی فراہمی کے کام میں دقتیں آرہی ہیں۔
