شاہجہاں پور: اترپردیش میں شاہجہاں پور کے کانٹ علاقے میں دو موٹر سائیکلوں کی آپسی ٹکرکے نتیجہ میں ماموں بھانجہ سمیت تین افراد ہلاک جبکہ ایک شدید زخمی ہوگیا۔ پولیس کے ذرائع نے بتایا کہ پڑیچا کا رہنے والا رام نریش کل دیر رات اپنے ماموں برج کشور کے ہمراہ موٹر سائیکل پر بیمار بیوی کا کھانا لے کر اسپتال جا رہا تھا۔
کانٹ علاقے میں اس کی موٹر سائیکل کریاکلاں راستے پر کوڑا گاؤں کے نزدیک مخالف سمت سے آرہی دوسری موٹر سائیکل سے ٹکرا گئی۔ اس حادثے میں دونوں بائیکوں پر سوار چار افراد شدید زخمی ہو گئے ۔تمام زخمیوں کو اسپتال لے جایا گیا جہاں ڈاکٹروں نے رام نریش، برج کشور اور ہردوئی کا باشندہ بلبیر کو مردہ قرار دے دیا۔ شدید زخمی نریندر کا علاج کیا جارہا ہے ۔
