بستی سڑک حادثے میں کار میں سوار دو بھائیوں کی موت

بستی: اترپردیش میں بستی کے ہریا علاقے میں پیر کی صبح ایک کار اور ٹرک کے درمیان ٹکر میں دو سگے بھائیوں کی موت ہوگئی۔پولیس ذرائع نے یہاں بتایا کہ صبح تقریباً سوا تین بجے ہریا علاقے میں قومی شاہراہ نمبر 28 پر ببھنان فلائی اوور پر ایک تیز رفتار کار اور ٹرک کے مابین ٹکر ہوگئی۔

جس کے نتیجے میں کار میں سوار دو نوجوانوں کی موقع پر ہی موت ہوگئی۔ مرنے والوں کی شناخت گورکھپور کے تیواری پور علاقے کے محمد شاہد (38) اور اس کے چھوٹے بھائی محمد ثاقب (32) کے طور پر ہوئی ہے ۔اس سلسلے میں قانونی کارروائی کی جارہی ہے ۔