نمستے انگلینڈ کے دوسرے ٹریلر میں نئی کہانی

بولی وڈ اداکار ارجن کپور اور اداکارہ پرینیتی چوپڑا کی جلد ریلیز ہونے والی فلم ’نمستے انگلینڈ‘ کا دوسرا ٹریلر سامنے آگیا، جس میں فلم کی کہانی کا ایک نیا موڑ پیش کیا گیا ہے۔

2 منٹ 13 سیکنڈ دورانیے کے اس ٹریلر میں دکھایا گیا کے ارجن کپور سے شادی کرنے کے بعد پرینیتی چوپڑا انگلینڈ چلی جاتی ہیں، تاہم ارجن انہیں واپس لانے کے لیے خود دوسری شادی کرنے کے لیے تیار ہوجاتے ہیں، جس کے بعد پرینیتی یہ دیکھ کر واپس ان کی جانب متوجہ ہونا شروع ہوجاتی ہیں۔

یاد رہے کہ فلم ’نمستے انگلینڈ‘ اکشے کمار اور کترینہ کیف کی 2007 میں ریلیز ہونے والی رومانٹک کامیڈی فلم ‘نمستے لندن’ کا سیکوئل ہے۔